Піянерыя адзначае юбілей
Дзень піянерскай дружбы пройдзе ў раёне 19 мая, а святочныя мерапрыемствы ў школьных піянерскіх дружынах пачаліся ўжо з 12 мая, гэта будзе цэлы тэматычны тыдзень, і прысвечаны ён 90-годдзю ўтварэння піянерскай арганізацыі. Да такой значнай даты піянеры запланавалі нямала цікавых і карысных спраў. Напрыклад, у раённай гімназіі будуць пасаджаны маладыя дрэўцы, якія ўтвораць цэлую Алею Героя, а піянеры з СШ №2 райцэнтра правялі падарожжа па старонках гісторыі сваёй арганізацыі ў форме цікавай гульнёвай праграмы. Не сядзяць без справы і ў іншых школьных піянерскіх дружынах, дарэчы, іх у раёне 11 і аб’ядноўваюць яны ў сваіх радах больш за паўтары тысячы піянераў і піянерскіх важатых ва ўзросце ад 7 да 17 гадоў. Раённы піянерскі збор намечаны на 23 мая.