Темы

Добры адпачынак у прыгожым месцы

Добры адпачынак у прыгожым месцы

Калі мы запыталіся ў дзяцей, якія мерапрыемствы ім больш за ўсё падабаюцца ў лагеры, то на першым месцы па папулярнасці аказалася дыскатэка. Ды ці варта гэтаму здзіўляцца: калі яшчэ з задавальненнем танчыць, як не ў маладосці, і дзе яшчэ такія нефармальныя зносіны, як не на танцавальнай пляцоўцы, тут табе і магчымасць выліць энергію, набрацца станоўчых эмоцый. Зрэшты, наконт апошняга ў дзіцячым аздараўленчым лагеры “Гарадок” шмат чаго прадугледжана і на працягу ўсяго дня.
— План штодзённых мерапрыемстваў у нас складзены такім чынам, — гаворыць начальнік лагера Андрэй Мазалеўскі, — каб дзеці былі заняты практычна ўвесь час. Да абеду мерапрыемствы праходзяць па атрадах, вечарам усе збіраемся на калектыўныя агульналагерныя справы, бывае, што прымаем у сябе гасцей або самі ідзём да суседзяў — у лагер “Пціч” ці санаторый “Космас”. Вось і сёння ў нас такая вандроўка — з “Космасам” будзем спаборнічаць у спартландыі.
І праўда, дыскатэка была першай, але далёка не адзінай справай, якая падабаецца юным адпачываючым. Расказвалі яны і пра эстафеты, пра адшукванне пікетаў на маршрутах, пра спаборніцтвы паміж атрадамі і яшчэ шмат пра што цікавае, што запомніцца ім на гэтай вясёлай трэцяй змене. Доўжыцца яна з 15 ліпеня па 1 жніўня, адпачываюць тут зараз 85 хлопчыкаў і дзяўчынак: два атрады школьнікаў ва ўзросце ад 6 да 10 гадоў, і па адным ва ўзросце ад 11 да 13 і ад 14 да 17 гадоў. Працуюць з імі 15 педагогаў, амаль усе — настаўнікі мясцовых школ, але былі і студэнты, што адпрацоўвалі летнюю практыку, а потым засталіся і працуюць далей.
Дарэчы, падабаецца тут не толькі дарослым, але, што самае галоўнае, і дзецям, а некаторыя з іх, напрыклад, Таня Сеўрук, Дзіма Тарасевіч, Косця Костка, Руслан Рудкоўскі, Аляксандра Мікуліч у “Гарадок” ездзяць кожны год — ад трох да пяці, а некаторыя нават і да дзесяці разоў ужо пабывалі тут, і заўсёды вяртаюцца з новымі ўражаннямі і новымі знаёмствамі. Не першы год працуе начальнікам лагера Андрэй Міхайлавіч Мазалеўскі, і на пытанне, ці падабаецца тут яму, адказаў пытаннем жа: маўляў, калі б не падабалася, то хіба ездзіў бы сюды ўжо трэці год запар?
Яно і праўду сказаць, месца тут прыгожае, умовы пражывання добрыя, бо штогод праводзіцца поўны касметычны рамонт, добраўпарадкоўваецца тэрыторыя, абнаўляецца абсталяванне — як правіла, за кошт штогадовых рэспубліканскіх суботнікаў. Скажам, на гэты сезон для патрэб лагера набылі электрапатэльню, электрамясарубку, халадзільнік, пліту і воданагравальнік, і гэта істотны ўклад працоўных раёна ў дзіцячае аздараўленне. А што ім яшчэ патрэбна, акрамя цікавага баўлення часу, каб за лета добра адпачыць і набрацца сіл? Бяспека і добрае харчаванне. І тое, і другое ў “Гарадку” таксама прадугледжана: на тэрыторыі лагера арганізавана кругласутачнае дзяжурства міліцыянера, а харчаванне — пяціразовае: снеданне, абед, полудзень і дзве вячэры, так што прагаладацца не паспяваюць. А калі што, дык клапатлівыя бацькі прывязуць што-небудзь смачненькае падсілкавацца — колькі тут ад таго Глуска. Адно шкада — трэцяя змена, лічы, ужо завершана. Але ж праз колькі дзён (з 5 жніўня) пачнецца чацвёртая. І зноў “Гарадок” расчыніць свае дзверы перад юнымі адпачываючымі — было б у іх жаданне, а ў бацькоў магчымасці.

Т.ЛУГАВАЯ
Фота С.РУДЗІНСКАГА

Последние новости

Культура

АФИША ВЫХОДНОГО ДНЯ. Куда сходить и что посмотреть в ближайшие выходные

29 марта 2024
80 лет освобождения Беларуси от немецко-фашистских захватчиков

Дважды герой Советского Союза Степан Шутов

29 марта 2024
Общество

ЦИК Беларуси зарегистрировал 56 кандидатов в члены Совета Республики

29 марта 2024
Актуально

Министерство спорта и туризма проводит правовой мониторинг

29 марта 2024
Актуально

День правового просвещения и личный прием граждан прошел в Глусском УКП «Жилкомхоз»

28 марта 2024
Власть

Лукашенко: всякая финансовая деятельность должна быть подчинена интересам экономики

28 марта 2024
Год качества

В честь 100-летия Глусского района на территории детского сада № 4 Глуска заложили сосновую аллею

28 марта 2024
АПК

Галоўнае — захаваць маладняк. На семінары-нарадзе, які прайшоў у Глусскім раёне, разглядалі тэхналагічныя аспекты захаванасці і вырошчвання маладняку буйной рагатай жывёлы

28 марта 2024
Общество

Реконструкция линейно-кабельных сооружений проводится в Глуске

28 марта 2024
Общество

Районные соревнования по настольному теннису прошли в Глуске

28 марта 2024

Рекомендуем

Актуально

К 100-летию Глусского района объявлен конкурс на лучший логотип. Положение о проведении районного конкурса

20 марта 2024
Культура

Семья Дербеевых представит Глусский район в конкурсе “Семья года”

20 марта 2024
Общество

Торжественное мероприятие ко Дню работников бытового обслуживания населения и жилищно-коммунального хозяйства состоялось в Глуске

22 марта 2024
Общество

Планы у дорожников большие. Интервью с начальником Глусского ДРСУ-213 Иваном Радько

21 марта 2024
Общество

Так в РОВД заведено. На заслуженный отдых проводили первого заместителя начальника Глусского райотдела

26 марта 2024
Общество

Александр Багель выдвинут кандидатом в члены Совета Республики от Глусского района

22 марта 2024
Год качества

Республиканская добровольная акция «Адновім лясы разам!» проходит в Глусском районе

25 марта 2024
Культура

Масленицу ярко и познавательно отметили глусские гимназисты

18 марта 2024