Вялікі футбол пачынаецца з малых перамог

Так, думаецца, многія вялікія футбалісты пачыналі з маленькіх перамог у сваіх дваровых камандах, а таму недаацэньваць значэнне дзіцячых спаборніцтваў мясцовага маштабу нельга. У Глускім раёне турнір па футболе сярод дзяцей і падлеткаў па месцы жыхарства і вучобы на прызы раённага выканаўчага камітэта стано-віцца традыцыйным, колькасць яго ўдзельнікаў паступова шырыцца. Сяголета ў спаборніцтвах прымаюць удзел 7 футбольных каманд, за званне лепшай будуць змагацца: каманда мікрараёна СШ№1, капітан Арцём Гізун, трэнер Адам Сокал; каманда №1 мікрараёна СШ№2, капітан Алесь Мядзведка, трэнер Барыс Сяленчык; каманда №2 мікрараёна СШ№2, капітан Вадзім Усік, трэнер Ігар Савончык; каманда аграгарадка Заеліца, капітан Уладзімір Грашчанка, трэнер Галіна Юхневіч; каманда аграгарадка Засценак Усцярхі, капітан Ігар Фалецкі, трэнер Сяргей Бузак; каманда аграгарадка Завалочыцы, капітан Сяргей Окрут, трэнер Леанід Кулік; каманда мікрараёна гімназіі, капітан Дзмітрый Каладзінскі, трэнер Анатоль Мядзведка.
1 жніўня а 16 гадзіне ўсе яны сустрэліся на мясцовым стадыёне, каб ва ўрачыстай абстаноўцы павітаць адзін аднаго, прыняць віншаванні ад заснавальнікаў турні-ру і пачаць спаборніцтвы. Права першага ўдару па мячы было дадзена старшыні раённага выканаўчага камі-тэта Юрыю Дымшу. Перад сваім выхадам на поле кіраўнік раёна павіншаваў юных футбалістаў з чарговымі стартамі, пажадаў весці чэсную барацьбу, паказаць балельшчыкам цікавую гульню і пры гэтым абысціся без траўмаў, а ў выніку няхай пераможа мацнейшы. Да гэтых пажаданняў далучыўся таксама і начальнік спартыўнага аддзела абласнога Цэнтра фізвыхавання Сяргей Галанцоў, які прысутнічаў на адкрыцці спаборніцтваў у якасці ганаровага госця. Футбол цікавая гульня, ад удзельнікаў яна патрабуе шмат сіл, уменняў і хуткай рэакцыі, таму і сапраўды, няхай пераможа мацнейшы. І ў першых гульнях турніру яны ўжо вызначыліся: футбалісты з Усцярхоў перамаглі каманду СШ№1, а гімназісты выйгралі ў Заеліцы.