Іх аб’яднала песня
Вторник, 29.10.2013 07:24.
Category: Общество
![]( "<Digimax S600 / Kenox S600 / Digimax Cyber 630>» src=»http://www.glusk.by/wp-content/uploads/2013/10/S60046091-300×225.jpg» alt=»» width=»300″ height=»225″ /></a>Вакальны ансамбль «Дубравушка» ўжо некалькі год запар дэманструе свой талент на абласных аглядах-конкурсах таварыства інвалідаў па зроку. Калектыў творчы, ініцыятыўны, сяброўскі. Старшыня Глускага раённага таварыства па зроку Зінаіда Барысік сабрала ў калектыў заўзятых энтузіястаў, людзей неабыякавых, дарэчы, як і сама. Зінаіда Іванаўна любіць спяваць з маленства, а голас у яе і сапраўды цудоўны. У складзе ансамбля «Дубравушка» людзі розных узростаў і прафесій, а на сцэне ўсе яны — выдатныя спевакі!</span></p>
<p class=")
Апошняе выступленне, дабаўлю — удалае, адбылося ў цэнтры карэкцыйна-развіваючага навучання, дзе размяшчаецца і аддзяленне дзённага знаходжання лю-дзей з абмежаванымі магчымасцямі. Песні, жарты, жывы гук, вясёлыя прытанцоўкі — усё гэта больш за гадзіну разносілася ў сценах будынка і радавала прысутных. Шчырымі апладысментамі суправаджаліся выступленні Ірыны Жаркевіч, Валянціны Рыбак, Анастасіі Жарнаклёвай, Пятра Аўласенкі, Сяргея Байдакова (музычны кіраўнік), вядучай На-дзеі Стралкоўскай і іншых. Разнастайнасць рэпертуару, творчы падыход у час рэпетыцый да кожнага нумара зрабілі свята цікавым і запамінальным. Тым больш, што канцэрт «Дубравушкі» праходзіў у рамках штогадовай грамадскай акцыі «Белы кій», мэта якой — звярнуць увагу на праблемы сляпых людзей.
Зараз калектыў старанна рыхтуецца да абласнога агляду-конкурсу творчых калектываў таварыстваў інвалідаў па зроку. Хвалюе ўсё: ад сукенак да падачы конкурсных нумароў. Пажадаем аматарам самадзейнай творчасці ўдалых выступленняў і новых сустрэч з гледачамі.
Любоў Слонкіна
На здымку: калектыў «Дубравушка» падчас выступлення ў аддзяленні дзённага знаходжання інвалідаў
