Сертыфікат на камплект дзіцячай футбольнай формы быў уручаны начальніку Глускага аддзела адукацыі, спорту і турызму Аляксандру Бельскаму падчас афіцыйнай цырымоніі ў Магілёве. Днямі там былі падведзены вынікі выступлення зборных каманд вобласці па відах спорту на рэспубліканскай спартакіядзе школьнікаў-2013 і вынікі абласных круглагадовых спартакіяд. У цырымоніі ўзнагароджання прынялі ўдзел начальнік упраўлення адукацыі Уладзімір Рыжкоў і першы намеснік начальніка ўпраўлення спорту і турызму аблвыканкама Віктар Сцяпанаў. Яны павіншавалі ўсіх з поспехам і пажадалі новых дасягненняў у развіцці спартыўна-масавай і фізкультурна-аздараўленчай работы сярод вучнёўскай моладзі Магілёўшчыны. Сертыфікат будзе перададзены футбалістам сярэдняй школы № 1 Глуска за ўздел ў міжнародным турніры «Кубак нацый Данон».
