У Глускім раёне створаны арганізацыйны камітэт па падрыхтоўцы і правядзенні святкавання 70-й гадавіны вызвалення Глускага раёна, Магілёўскай вобласці і Рэспублікі Беларусь ад нямецка-фашысцкіх захопнікаў. Складзены таксама план падрыхтоўкі і правядзення юбілейных мерапрыемстваў. Яны найперш накіраваны на паляпшэнне сацыяльна-эканамічных умоў жыцця інвалідаў і ўдзельнікаў Вялікай Айчыннай вайны і прыроўненых да іх асоб праз вывучэнне бытавых умоў жыцця, правядзенне комплексных медыцынскіх аглядаў, аказанне сацыяльных паслуг і меддапамогі. Гэта работа ўжо вядзецца і цяпер, а бліжэй да юбілейнай даты запланаваны ўрачыста-святочныя, ваенна-мемарыяльныя, культурныя і спартыўныя мерапрыемствы, рамонт і добраўпарадкаванне помнікаў воінскай славы, удакладненне спісаў загінуўшых пры вызваленні раёна. Узначальвае аргкамітэт па падрыхтоўцы і правядзенні 70-й гадавіны вызвалення ад нямецка-фашысцкіх захопнікаў кіраўнік раёна Юрый Дымша.
