Асабіста віншаваць ветэранаў Вялікай Айчыннай вайны з іх юбілеямі — такая традыцыя з’явілася ў Глускім раённым савеце ветэранаў.
Падтрымалі добрую справу і прадстаўнікі мясцовай улады. Днямі старшыня Глускага раённага Савета дэпутатаў Андрэй Баброўнік, старшыня раённага савета ветэранаў Валерый Сураўнёў і старшыня Слаўкавіцкага сельскага Савета Мікалай Куратаў наведалі жыхара аграгарадка Заеліца Івана Сямёнавіча Кузняцова, якому восьмага лютага споўнілася 90 год. Яны шчыра павіншавалі ветэрана, пажадалі яму здароўя, бадзёрасці, аптымізму, падзякавалі за мужнасць і самаадданасць, якія Іван Сямёнавіч праявіў у час Вялікай Айчыннай вайны і ў цяжкія гады адбудоўвання краіны.
І. ГРАМЫКА
Фота С. РУДЗІНСКАГА
