Выхаванцы аддзяленняў дзённага знаходжання для інвалідаў цэнтраў сацыяльнага абслугоўвання насельніцтва з Глускага, Круглянскага і Кіраўскага раёнаў напярэдадні Вялікадня сустрэліся ў Кіраўску, дзе ўдзельнічалі ў конкурсах, вучылі адзін аднаго рабіць велікодныя сувеніры і паштоўкі.
Падобныя акцыі праводзяцца для таго, каб перад выхаванцамі адкрываліся новыя магчымасці , каб яны змаглі праявіць сябе, пагутарыць і завесці новых сяброў. Падчас сустрэчы ўдзельнікі паказалі, чаму яны навучыліся ў аддзяленнях дзённага знаходжання.
Мерапрыемства наведаў і настаяцель Свята-Пакроўскага храма Кіраўска айцец Дзмітрый Первій, які распавёў усім прысутным пра гісторыю святкавання Вялікадня, пасхальны тыдзень, сімвалы гэтага свята і гісторыі іх узнікнення.
Сустрэча прайшла ў лёгкай і сяброўскай абстаноўцы. Яна стала сапраўдным святам для выхаванцаў і аказалася карыснай для саміх арганізатараў, якія змаглі абмяняцца вопытам. У наступным годзе кіраўніцтва Кіраўскага РЦСАН плануе правесці гэта мерапрыемства яшчэ больш маштабна.
Р. ДАЎШЭВІЧ
