Па інфармацыі начальніка аддзела па рабоце са зваротамі грамадзян Глускага райвыканкама Валянціны Дзяшчэні, з ліпеня па верасень 2014 года ў райвыканкам паступіла 65 зваротаў ад грамадзян, на 13 больш, чым за такі ж перыяд мінулага года. У сельвыканкамы паступіў 21 зварот, і гэта на 13 менш, чым у трэцім квартале 2013 года.
Па-ранейшаму большасць пытанняў звязана з камунальна-бытавымі праблемамі, такіх 23 % ад агульнай колькасці. На жыллёвыя пытанні і пытанні працы і зарплаты прыходзіцца па 10 %. Часцей грамадзяне сталі звяртацца па фінансавых пытаннях, гэта 12,3 % ад усіх зваротаў.
Значна павялічылася колькасць калектыўных зваротаў (трэці квартал 2013 года — 2, такі ж перыяд бягучага года — 7). Сярод узнятых пытанняў — ухіленне будаўнічых недахопаў у новабудоўлі па вуліцы Кірава Глуска і няспраўнасць каналізацыі ў падвале дома 98 па той жа ву-ліцы. Абодва звароты вырашаны станоўча, недахопы выпраўлены. Два калектыўныя звароты паступілі ад жыхароў Заеліцы наконт рамонту дарогі і кошту прыватызуемага жылля. Па апошнім пытанні дадзены неабходныя тлумачэнні. Што датычыцца рамонту дарожнага палатна, сітуацыя ўзята на дадатковы кантроль. Станоўча вырашаны пытанні, з якімі звярнуліся жыльцы інтэрната № 1 па ву-ліцы Гагарына Глуска і жыхары Бярозаўкі.
Па пытаннях працаўладкавання і выдзялення жылля ў райвыканкам звярнуліся 7 грамадзян Украіны.
Усе звароты, паступіўшыя ў трэцім квартале бягучага года, разгледжаны ў вызначаны заканадаўствам тэрмін. Станоўча вырашаны 21 зварот, на 23 дадзены тлумачэнні, 7 зваротаў прызнаны неабгрунтаванымі.
А. ВАСІЛЕЎСКАЯ
