Беларускія дэпутаты прынялі ў першым чытанні папраўкі ў закон аб зваротах грамадзян і юрыдычных асоб, перадае БелТА. Дакумент накіраваны на ўдасканаленне дзеючага закона «Аб зваротах грамадзян і юрыдычных асоб» з улікам практыкі яго прымянення і на прывядзенне яго ў адпаведнасць з прадпісаннямі больш позніх заканадаўчых актаў.
У прыватнасці, праектам дакумента прапануецца ўдакладніць паняцце «паўторны зварот», замацаваць правы арганізацый і ІП, якія разглядаюць звароты, а работнікаў арганізацый, упаўнаважаных ажыццяўляць папярэдні запіс на асабісты прыём, надзяліць правам адмовіць у запісе на прыём і ў асабістым прыёме ў прадугледжаных заканадаўствам выпадках. Таксама законапраектам плануецца вызначыць змест расходаў, якія могуць быць спагнаны з заяўнікаў пры накіраванні сістэматычна неабгрунтаваных зваротаў.
