Асноўныя сілы былі сканцэнтраваны ў сельскай мясцовасці. Па словах намесніка старшыні райвыканкама Аляксандра Анцюшэні, агульнымі намаганнямі там было пабудавана больш за тысячу метраў агароджы вакол тэрыторый малочна-таварных фермаў, знесены два безгаспадарныя дамы, ачышчаны ад рэшткаў старых будынін тры зямельныя ўчасткі, падрыхтавана пасля раскарчоўкі для ўводу ў сельгасабарот каля 2 гектараў зямлі. 

Частка працоўных заставалася на месцы: для іх знайшлася справа па навядзенні парадку на тэрыторыях саміх прадпрыемстваў. Дзякуючы работнікам бюджэтнай сферы значна чысцей стала на мясцовым стадыёне.

Таццяна ЛУКАШЭВІЧ