У эканоміцы Беларусі ў красавіку бягучага года было занята 4 млн 445,5 тыс. чалавек. Гэта на 1 працэнт менш, чым у красавіку мінулага года, паведамілі ў Нацыянальным статыстычным камітэце.
Арганізацыямі (без суб’ектаў малога прадпрымальніцтва) у красавіку бягучага года было прынята на работу 53,1 тыс. чалавек (1,7 працэнта сярэднямесячнай колькасці), у тым ліку на дадаткова ўведзеныя рабочыя месцы — 4,1 тыс. чалавек, або 7,8 працэнта ад агульнай колькасці прынятых. Звольнена па розных прычынах 71,2 тыс. чалавек (2,3 працэнта сярэднямесячнай колькасці). З іх 4,9 працэнта — за прагул і іншыя парушэнні працоўнай дысцыпліны, 1,4 працэнта — у сувязі са скарачэннем колькасці або штату работнікаў, ліквідацыяй арганізацый.
Каэфіцыент замяшчэння работнікаў (суадносіны колькасці прынятых і колькасці звольненых) у красавіку 2015 года склаў 0,745 (у красавіку 2014 года — 0,774).
Паводле даных Міністэрства працы і сацыяльнай абароны, колькасць зарэгістраваных беспрацоўных на канец красавіка бягучага года склала 43,4 тыс. чалавек, што ў 1,9 раза больш, чым на канец красавіка мінулага года, і на 11,2 працэнта больш, чым на канец сакавіка 2015 года. Узровень зарэгістраванага беспрацоўя на канец красавіка гэтага года склаў 1 працэнт ад эканамічна актыўнага насельніцтва (на канец красавіка мінулага года — 0,5 працэнта).
