У Глускім раёне створаны аператыўны штаб для каардынацыі дзейнасці студэнцкіх атрадаў

Яны будуць сфарміраваны з ліку школьнікаў (старэйшых за 14 гадоў) для работы на перыяд летніх канікулаў. Згодна з распараджэннем старшыні райвыканкама Уладзіміра Царыкава аб мерах па забеспячэнні працоўнай занятасці студэнцкай і вучнёўскай моладзі, у працоўным семестры 2015 года ў Глускім раёне будзе створана 13 вучнёўскіх атрадаў агульнай колькасцю 112 чалавек. Працаваць яны будуць на базе УКП “Жылкамгас” і ДЛГУ “Глускі лясгас” (па тры атрады), а таксама ў ПМК-249 і ва ўсіх сельскагаспадарчых прадпрыемствах раёна. Камандзіры і намеснікі камандзіраў студэнцкіх атрадаў школьнікаў на базе сваіх вучэбных устаноў пройдуць навучанне па пытаннях аховы працы і тэхнікі бяспекі.