Нягледзячы на шматлікія папярэджанні розных службаў і сумныя прыклады, няшчасныя выпадкі на вадзе прадаўжаюць адбывацца з года ў год.

Па звестках таварыства выратавання на водах, у 2013 годзе на вадаёмах краіны загінуў 571 чалавек, у тым ліку 34 дзіцяці, у 2014 — 625, з іх 36 дзяцей, за першыя пяць месяцаў гэтага года патанулі 73 чалавекі, з якіх пяць былі непаўналетнімі. Да трагедый,  як правіла, прыводзяць купанне ў нецвярозым стане, а таксама плаванне і ныранне ў незнаёмых, неправераных і не абсталяваных для гэтага месцах, дзе купанне забаронена. У Глускім раёне такімі несанкцыянаванымі месцамі адпачынку з’яўляюцца меліярацыйныя каналы, месцы знаходжання шлюзаў, сажалкі-копані, урочышчы “Лысуха” і “Востры дуб”. Аднак калі вы ўсё ж спыніліся там для адпачынку, то не купайцеся самі і не дазваляйце гэта рабіць іншым.

Т. ЛУГАВАЯ