Футбол і валейбол
У рамках раённай спартакіяды сярод сельгаспрадпрыемстваў 3 ліпеня на цэнтральным стадыёне Глуска прайшлі спаборніцтвы па валейболе. У іх прынялі ўдзел чатыры каманды, гульні праводзіліся па кругавой сістэме. Мацнейшымі аказаліся валейбалісты СВК “Калгас “Слаўгарадскі” і занялі 1 месца, ім саступіла каманда СВК “Калгас “Зара”, трэцімі сталі спартсмены з эксперыментальнай базы “Глуск”, чацвёрты вынік у СВК “Дружба”.
У гэты ж дзень, вечарам, адбылася таварыская сустрэча па футболе паміж зборнымі Глуска і студэнтаў. Зрэшты, і адны, і другія — глушчане, так што свае балельшчыкі былі ў абедзвюх каманд. У выніку вопыт саступіў маладосці і з лікам 3:1 перамаглі студэнты.
Таццяна ЛУКАШЭВІЧ