Каманда Глускага лясгаса прыняла ўдзел у абласных спаборніцтвах вальшчыкаў лесу “Лесаруб-2015”, якія праходзілі ў Клімавіцкім раёне. Як расказаў рэдакцыі кіраўнік каманды інжынер па ахове працы Генадзь Мезрын, Глуск прадстаўлялі вальшчыкі Аляксандр Муха з Глускага лясніцтва, Дзмітрый Адзінец і Дзмітрый Іост з Кіраўскага лясніцтва, а таксама машыніст многааперацыйных машын Мікалай Луцкевіч і аператар гідраманіпулятара Мікалай Слук (на здымку), менавіта ён і стаў прызёрам спаборніцтваў, заняўшы трэцяе месца ў асабістым заліку сярод машыністаў гідраманіпулятараў. Астатнія ўдзельнікі выступілі менш паспяхова, у выніку каманда заняла 10-е месца.

Т. ЛУГАВАЯ

Фота С. РУДЗІНСКАГА