У раённым суботніку, што адбыўся 31 кастрычніка, удзельнічала 1 520 чалавек, з іх каля 900 — непасрэдна ў гарадскім пасёлку, паведамілі рэдакцыі ў аддзеле жыллёва-камунальнай гаспадаркі райвыканкама.
У Глуску былі арганізаваны работы па навядзенні парадку на вуліцы Кірава, каля могілак па вуліцы Акцябрскай, на аўтастанцыі, у раёне стадыёна і ў другіх месцах. Работнікі “Жылкамгаса” былі заняты на ўборцы паркаў — цэнтральнага і каля СШ № 2, сквераў — каля помніка воінам-інтэрнацыяналістам і каля магазіна “Удобный”, таксама яны добраўпарадкавалі мемарыял “Воінская Слава” і другія аб’екты. Многія работнікі выйшлі на ўборку тэрыторый каля сваіх устаноў і прадпрыемстваў або замацаваных за арганізацыямі вуліц.
На суботнік выйшлі і каля 300 прадстаўнікоў сельскіх гаспадарак, яны наводзілі парадак на мехдварах, фермах, вакол адміністрацыйных будынкаў — прыбіралі бытавое і будаўнічае смецце, выкошвалі пустазелле, уцяплялі аконныя рамы і праёмы на МТФ. Акрамя іншых работ, у калгасах “Слаўгарадскі” і “Зара” праводзілася дыскаванне прыфермскіх тэрыторый, работнікі РАПТЗа разворвалі прыфермскую тэрыторыю ў Балашэвічах, у эксбазе разбурана 4 ужо непатрэбныя воданапорныя вежы, у калгасе “Зара камуны” — 3.
У сельскай мясцовасці суботнік арганізоўвалі сельвыканкамы, у выніку ліквідавана 38 несанкцыяніраваных звалак, вывезена смецце з 10 грамадзянскіх могілак, прыбраны воінскія пахаванні, скверы і паркі, вяліся работы па ўстаноўцы новай агароджы на могілках у вёсцы Пагост.
Аксана ВАСІЛЕЎСКАЯ
Фота Сяргея РУДЗІНСКАГА
