Агульная колькасць арганізацый, якія плацяць падаткі, складае 205. Найбольш адчувальныя сумы ў бюджэт уносяць Глускае райпо, доля якога ў падатковых зборах складае 9,4 працэнта, УКП “Жылкамгас” — 9,3 працэнта, будаўнічая арганізацыя ПМК-249 — 8,3, Глускі лясгас — 5,6 і ПМК-86 “Водбуд” — 3,5 працэнта. Па стану на 20 снежня гэтага года даходная частка раённага бюджэту склала 208 мільярдаў 984 мільёны рублёў, у гэтай колькасці ўласныя даходы (у выглядзе розных падаткаў) склалі 60 мільярдаў 258 мільёнаў рублёў, або 32,5 працэнта ад усіх паступленняў, астатнія 132 мільярды 77 мільёнаў — гэта бязвыплатныя паступленні ў выглядзе датацый з рэспубліканскага бюджэту.
Асноўную ўдзельную вагу ва ўласных даходах займаюць паступленні падаходнага падатку ад фізічных асоб — 40,8 працэнта. Значная частка бюджэту (16,9 працэнта) складаецца з падатку фізічных і юрыдычных асоб на нерухомасць і зямельнага падатку. Падатак на прыбытак, які плацяць мясцовыя прадпрыемствы, склаў сяголета 1 мільярд 296 мільёнаў рублёў, на дабаўленую вартасць — 11 мільярдаў 242 мільёны, іншых падаткаў і збораў ад рэалізацыі тавараў ужо заплачана ў раённы бюджэт 4 мільярды 102 мільёны рублёў.
Т. ЛУКАШЭВІЧ
