“Дары дабро — стань Дзедам Марозам!” — так называецца навагодняя дабрачынная акцыя, якую зараз праводзяць работнікі Глускага райпо.
Арганізатары акцыі прапанавалі выхаванцам Цэнтра карэкцыйна-развіваючага навучання і рэабілітацыі (а менавіта дзецям з прыёмных сем’яў) намаляваць малюнкі Дзеду Марозу. Зараз гэтыя работы выстаўлены ў аддзеле «Цацкі» магазіна “Прамтавары” (былы ўнівермаг).
Кожны жадаючы можа падарыць радасць аўтару любога малюнка. Для гэтага трэба толькі выбраць малюнак, які спадабаўся, а замест яго набыць падарунак аўтару твора і перадаць яго прадаўцу. Напярэдадні Новага года ўсе сувеніры будуць уручаны выхаванцам Цэнтра.
Акцыя будзе праходзіць па 30 снежня ўключна, так паведаміла рэдакцыі намеснік старшыні Глускага райпо Наталля Талкачова. Яна таксама запрашае ўсіх жыхароў раёна стаць для дзяцей сапраўднымі Дзядамі Марозамі і прыняць удзел у дабрачыннасці. Пры гэтым не абавязкова набываць дарагія рэчы. Галоўнае, каб кожны юны мастак атрымаў падарунак да свята.
Л. ХАРЛАНЧУК
