Колькасць насельніцтва Беларусі на 1 красавіка 2016 года склала 9 млн 498,7 тыс. чалавек і ў параўнанні з пачаткам бягучага года павялічылася на 343 чалавекі. Такія даныя размешчаны на сайце Нацыянальнага статыстычнага камітэта.

У студзені-сакавіку бягучага года ў рэспубліцы нарадзілася 29 тыс. 52 дзіцяці, што на 1 тыс. 240 дзяцей (на 4,5 працэнта) больш, чым у студзені-сакавіку 2015-га. Колькасць памерлых склала 31 тыс. 473 і ў параўнанні з першым кварталам 2015 года знізілася на 1 тыс. 78 чалавек (на 3,3 працэнта).

Вызначальным фактарам павелічэння колькасці насельніцтва стаў міграцыйны прырост, які ў першым квартале 2016 года склаў 2 тыс. 764 чалавекі. Асноўны міграцыйны абмен Беларусі адбываецца з краінамі СНД. У студзені-сакавіку з гэтых краін у рэспубліку прыбыла 4 тыс. 158 чалавек, з іх на долю прыбыўшых з Украіны, Расіі і Казахстана прыпадала 88,8 працэнта.

У ліку прыбыўшых пераважаюць выехаўшыя ў краіны СНД. Іх доля ў агульнай колькасці пакінуўшых рэспубліку склала 66,7 працэнта, з іх у Расію выехала 75 працэнтаў.

Натуральнае змяншэнне насельніцтва ў першым квартале 2016 года склала 2 тыс. 421 чалавек.

У Беларусі ў студзені-сакавіку бягучага года заключана 12 тыс. 94 шлюбы, зарэгістравана 8 тыс. 510 разводаў.