Тарыфная стаўка першага разраду павышана ў Беларусі з 1 красавіка
Тарыфная стаўка першага разраду для аплаты працы работнікаў бюджэтных арганізацый і іншых арганізацый, што атрымліваюць субсідыі, работнікі якіх прыраўнаваны па аплаце працы да работнікаў бюджэтных арганізацый, павышана ў Беларусі з 1 красавіка да Br298 тыс. Гэта прадугледжана пастановай Савета Міністраў ад 6 красавіка 2016 года нумар 289, паведамілі ў прэс-службе ўрада.
Рэспубліканскім органам дзяржаўнага кіравання, мясцовым выканаўчым і распарадчым органам, кіраўнікам бюджэтных арганізацый неабходна забяспечыць пераразлік заработнай платы работнікаў у адпаведнасці з устаноўленай тарыфнай стаўкай першага разраду і каэфіцыентамі Адзінай тарыфнай сеткі работнікаў Рэспублікі Беларусь з улікам карэкціруючых каэфіцыентаў.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 1 красавіка бягучага года.
З 1 студзеня 2016 года тарыфная стаўка першага разраду была ўстаноўлена ўрадам у памеры Br295 тыс., з 1 лютага 2016 года ўведзены штомесячныя дыферэнцыраваныя даплаты работнікам бюджэтных арганізацый, якія тарыфікуюцца 1-17 разрадамі, у памерах Br86 тыс. – Br75 тыс.