На першым этапе выбарчай кампаніі па выбарах дэпутатаў Палаты прадстаўнікоў Нацыянальнага сходу Рэспублікі Беларусь шостага склікання вядзецца вылучэнне кандыдатаў. Яны могуць быць вылучаны ад працоўных калектываў, ад палітычных партый і грамадскіх аб’яднанняў, а таксама шляхам збору подпісаў ініцыятыўнымі групамі. У акруговай камісіі Асіповіцкай выбарчай акругі № 89 зарэгістраваны тры ініцыятыўныя групы — па вылучэнні кандыдатамі ў дэпутаты Аляксандра Багдановіча, Мікалая Калтунова і Аляксандры Сьянавай.
На тэрыторыі Глускага раёна працуюць члены дзвюх ініцыятыўных груп: група № 1 — у падтрымку Аляксандра Багдановіча, група № 2 — у падтрымку Мікалая Калтунова. У мінулую суботу, 16 ліпеня, гэтыя ініцыятыўныя групы збіралі подпісы выбаршчыкаў шляхам правядзення пікетаў, яны былі наладжаны ў Глуску, Катцы і Заеліцы.
