Алімпійская зборная Беларусі заняла 40-е месца ў агульнакамандным медальным заліку Рыа-2016.

Беларускія атлеты заваявалі 9 медалёў: алімпійскім чэмпіёнам стаў Уладзіслаў Ганчароў, які выйграў золата ў спаборніцтвах скакуноў на батуце. Сярэбраныя медалі заваявалі барцы Дар’я Навумава, Вадзім Стральцоў (цяжкая атлетыка), Марыя Мамашук (жаночая барацьба), Іван Ціхан (лёгкая атлетыка), уладальнікамі бронзавых медалёў сталі барцы Джавід Гамзатаў, Ібрагім Саідаў, плыўчыха Аляксандра Герасіменя і экіпаж байдаркі-чацвёркі Маргарыта Махнёва, Надзея Ляпешка, Вольга Худзенка, Марына Літвінчук.

Самай паспяховай Алімпіядай за ўсю суверэнную гісторыю для беларускіх спартсменаў з’яўляюцца летнія Гульні-2008 у кітайскім Пекіне, калі было заваявана 18 медалёў – 4 залатыя, 5 сярэбраных і 9 бронзавых узнагарод. У Атланце-1996 у беларусаў было 15 медалёў (1, 6, 8), у Сіднеі-2000 – 17 (3, 3, 11), у Афінах-2004 – 13 (2, 5, 6), у Лондане-2012 – 12 (2, 5, 5).

Медальны залік Гульняў-2016 безагаворачна выйгралі спартсмены зборнай ЗША – 121 узнагарода (46 залатых, 37 сярэбраных, 38 бронзавых). Другое месца заняла каманда Вялікабрытаніі – 67 (27, 23, 17), трэцяя пазіцыя ў зборнай Кітая – 70 (36, 18, 26).