Удзел у выбарах у Палату прадстаўнікоў прымуць каля 7 млн выбаршчыкаў. Такая інфармацыя размешчана на сайце Цэнтрвыбаркама Беларусі.

Колькасць выбаршчыкаў па Брэсцкай вобласці складае 995 304, па Віцебскай — 876 960, Гомельскай — 1 100 769,  Гродзенскай — 777 958, Мінскай — 1 120 613, Магілёўскай — 820 275. Па горадзе Мінску змогуць аддаць свае галасы на карысць таго ці іншага кандыдата 1 294 414 грамадзян.

Акрамя таго, як чакаецца, за межамі краіны прагаласуюць 4 403 беларусы.

Такім чынам, агульная колькасць выбаршчыкаў на гэтых выбарах складае 6 990 696 чалавек.

Выбары ў Палату прадстаўнікоў Нацыянальнага сходу Беларусі адбудуцца 11 верасня.