Святочны канцэрт “З любоўю да цябе, Беларусь!” адбыўся 10 снежня ў Палацы культуры Магілёўскай вобласці. На канцэрце сабраліся лепшыя творчыя калектывы і выканаўцы з усёй вобласці, каб падвесці вынікі Года культуры.
Госці свята пабачылі рэканструкцыі беларускіх касцюмаў усіх раёнаў вобласці, выставы абласных музеяў і бібліятэк, карціны юных мастакоў, выставы-прэзентацыі творчых праектаў.
Фінальным акордам стаў канцэрт “З любоўю да цябе, Беларусь!”, у якім прымалі ўдзел нашы глускія таленты — народны ансамбль “Крынічанька” раённага Дома культуры і майстры Заеліцкага Дома рамёстваў.
Тэлевізійную версію канцэрта глядзіце на тэлеканале “Беларусь 4. Магілёў” у нядзелю, 18 снежня, у 18:10.
