Савет Міністраў пастановай ад 16 снежня 2016 года нумар 1035 зацвердзіў тарыфы на некаторыя віды жыллёва-камунальных паслуг на 2017 год, паведамілі ў прэс-службе ўрада.

Пастановай устанаўліваюцца цэны (тарыфы) на паслугі газазабеспячэння, электразабеспячэння, цеплазабеспячэння, што субсідзіруюцца дзяржавай і забяспечваюць поўнае пакрыццё эканамічна абгрунтаваных затрат на іх аказанне. Пры гэтым дыферэнцыраваныя тарыфы на электрычную энергію, якая выкарыстоўваецца для патрэб ацяплення і гарачага водазабеспячэння, зніжаны. Акрамя таго, устаноўлены гранічныя памеры цэн (тарыфаў) на паслугі водазабеспячэння і водаадвядзення, тэхнічнае абслугоўванне жылога дома, тэхнічнае абслугоўванне ліфта, што субсідзіруюцца дзяржавай і забяспечваюць поўнае пакрыццё эканамічна абгрунтаваных затрат на іх аказанне, вышэй за якія аблвыканкамы і Мінскі гарвыканкам не могуць устанавіць. Таксама вызначаны гранічныя памеры расходаў і памеры кампенсацыі насельніцтвам на некаторыя віды жыллёва-камунальных паслуг (санітарнае ўтрыманне дапаможных памяшканняў жылога дома, тэхнічнае абслугоўванне запорна-перагаворных устройстваў жылога дома, электраэнергіі, што спажываецца на асвятленне дапаможных памяшканняў і работу абсталявання, на работу ліфта, плацяжоў за паслугі па абыходжанні з цвёрдымі камунальнымі адходамі).

Згодна з дакументам, кошт цеплаэнергіі будзе павялічаны на 17 працэнтаў да Br15,6098 за 1 Гкал. На аналагічны працэнт вырасце для насельніцтва цана на газ прыродны ў ацяпляльны перыяд.

Кошт электраэнергіі не павялічыцца.

“Плацяжы насельніцтва, разлічаныя па субсідзіруемых дзяржавай тарыфах (цэнах), гранічныя памеры расходаў і памеры кампенсацыі жыллёва-камунальных паслуг насельніцтвам, прадугледжаныя пастановай, будуць павышаны ў памеры, эквівалентным $5 у разліку на сям’ю з трох чалавек, якая жыве ў двухпакаёвай кватэры агульнай плошчай 48 кв.м, пры нарматыўным спажыванні жыллёва-камунальных паслуг”, – растлумачылі ў Міністэрстве антыманапольнага рэгулявання і гандлю.

Так, пры павелічэнні тарыфаў разліковыя плацяжы сям’і з трох чалавек, якая пражывае ў тыпавой двухпакаёвай кватэры, пры нарматыўным спажыванні паслуг (па асноўных і дадатковых паслугах) узрастуць на Br10,98 і складуць у ацяпляльны перыяд Br79,38.

Пастановай рэкамендавана аблвыканкамам і Мінгарвыканкаму забяспечыць памеры расходаў насельніцтва за санітарнае ўтрыманне дапаможных памяшканняў жылога дома не больш за Br0,53 з аднаго жыхара ў месяц; тэхнічнае абслугоўванне запорна-перагаворных устройстваў жылога дома – не больш за Br0,91 з адной кватэры ў месяц. Гэтыя тарыфы засталіся на цяперашнім узроўні.

Згодна з дакументам, памеры плацяжоў насельніцтва за паслугі абыходжання з цвёрдымі камунальнымі адходамі па субсідзіруемых дзяржавай тарыфах рэкамендавана ўстанавіць у памерах, што не перавышаюць іх штомесячных памераў у 2016 годзе.

Не зменяцца памеры кампенсацыі насельніцтвам расходаў арганізацый, якія ажыццяўляюць эксплуатацыю жыллёвага фонду і (або) прадастаўляюць жыллёва-камунальныя паслугі, на электраэнергію, што спажываецца на асвятленне дапаможных памяшканняў і работу абсталявання, за выключэннем ліфтаў, у шматкватэрных жылых дамах, якія ўстаноўлены на ўзроўні не больш за Br0,39 з аднаго жыхара ў месяц. Што датычыцца электраэнергіі на работу ліфтаў, то тарыф павялічыцца да Br0,47 з аднаго жыхара (цяпер Br0,26).

Міністэрству антыманапольнага рэгулявання і гандлю даручана ўзгадніць з аблвыканкамамі і Мінгарвыканкамам субсідзіруемыя дзяржавай тарыфы на водазабеспячэнне – не больш за Br0,5301 за 1 куб.м (цяпер Br0,2790); водаадвядзенне (каналізацыю) – не больш за Br0,354 за 1 куб.м (Br0,1863); тэхнічнае абслугоўванне жылога дома – не больш за Br0,1 за 1 кв.м агульнай плошчы жылога памяшкання ў месяц (Br0,0995); тэхнічнае абслугоўванне ліфта – не больш за Br1,19 з аднаго жыхара ў месяц (Br0,6911).

Што датычыцца тарыфаў на водазабеспячэнне, водаадвядзенне (каналізацыю), тэхнічнае абслугоўванне жылога дома, якія забяспечваюць поўнае пакрыццё эканамічна абгрунтаваных затрат, то яны застануцца на цяперашнім узроўні. Тарыф на тэхнічнае абслугоўванне ліфта складзе не больш за Br1,33 з аднаго жыхара ў месяц (у бягучым годзе – Br1,2).

Аплачваць жыроўку па новых тарыфах (цэнах) насельніцтва пачне ў лютым 2017 года за жыллёва-камунальныя паслугі, аказаныя ў студзені.

“Пры вызначэнні ўзроўню субсідзіруемых дзяржавай тарыфаў (цэн) прымаўся пад увагу максімальны ўплыў на паказчык ўзроўню пакрыцця затрат, г.зн. павышаны тарыфы на тыя жыллёва-камунальныя паслугі, якія даюць магчымасць дасягнуць найбольш высокага прыросту ўзроўню пакрыцця затрат па ўсім комплексе ЖКП, – адзначылі ў МАРГ. – Праводзімая работа па скарачэнні затрат у сферах энергетыкі і жыллёва-камунальнай гаспадаркі дала магчымасць захаваць на ўзроўні 2016 года большасць тарыфаў, якія забяспечваюць поўнае пакрыццё затрат на іх аказанне”.

Гэта пастанова ўступіць у сілу пасля яе афіцыйнага апублікавання, за выключэннем пункта, што датычыцца кошту цепла-, электраэнергіі і газу, які ўступіць у сілу з 1 студзеня 2017 года.