Скарбніца Падняпроўя

На працягу года ў Магілёўскай вобласці будзе праходзіць фестываль фальклорнага мастацтва «Скарбніца Падняпроўя». У адкрыцці, якое адбудзецца 27 лютага, удзел прымуць таксама носьбіты і пераемнікі народных традыцый з Глушчыны. Разам з выканаўцамі і майстрамі Бялыніцкага, Бабруйскага, Быхаўскага і Горацкага раёнаў яны прадставяць святы зімовага цыклу. Так, калядныя песні прагучаць у выкананні “Дуброўскіх бабуль”, таксама ўсе прысутныя змогуць пабачыць аўтэнтычныя глускія танцы. Майстар па аплікацыі саломкай Соф’я Меснік дасць урокі для ўсіх жадаючых падчас выставы «Зімовыя карункі майстэрства», дзе будуць прадстаўлены і вырабы Заеліцкага Дома рамёстваў. А яшчэ на фестывалі арганізуюць дэгустацыю страў, характэрных для пэўных раёнаў. Глускія прысмакі там таксама будуць.