Рэспубліканскі творчы конкурс юных чытальнікаў “Жывая класіка”

Понедельник, 27.03.2017 15:35. Category: Культура

Міністэрства інфармацыі Рэспублікі Беларусь, Міністэрства адукацыі Рэспублікі Беларусь, закрытае акцыянернае таварыства “Сталічнае тэлебачанне”, грамадскае аб’яднанне “Саюз пісьменнікаў Беларусі” праводзяць рэспубліканскі творчы конкурс юных чытальнікаў “Жывая класіка”. У гэтым годзе яго дэвіз — “Чытаем шмат, чытаем разам, ствараем сябе і краіну!”.

Мэты конкурсу — павышэнне цікавасці дзяцей і падлеткаў да чытання, развіццё і захаванне высокіх маральных каштоўнасцей і ідэалаў беларускага грамадства, выхаванне падрастаючага пакалення на лепшых узорах нацыянальнай літаратуры, прыцягненне ўвагі грамадскасці да праблематыкі чытання, пашырэнне чытацкага кругагляду, пошук і падтрымка таленавітай моладзі.

Конкурс праходзіць у чатыры этапы, заключны (рэспубліканскі) пройдзе падчас святкавання Дня беларускага пісьменства ў Полацку. Яго пераможцы ўзнагароджваюцца пуцёўкай у Нацыянальны дзіцячы адукацыйна-аздараўленчы цэнтр “Зубронак”.