Сёння, 6 мая, бабуль і дзядуль, што жывуць у аддзяленні кругласутачнага знаходжання для грамадзян сталага ўзросту і інвалідаў у Заеліцы, наведалі з канцэртам удзельнікі вакальнага ансамбля “Дубравушка” раённага таварыства інвалідаў па зроку. Са сцэны гучалі песні пра Перамогу, пра салдат, што набліжалі дзень вызвалення, а яшчэ вясёлыя прыпеўкі ды душэўныя народныя мелодыі. Старыя з задавальненнем слухалі знаёмыя з маладосці творы, старанна пляскалі ў далоні, падпявалі і вельмі хвалілі артыстаў, дзякавалі ім, што падарылі такі святочны настрой. Выступленне так спадабалася, што, нават калі канцэрт закончыўся, бабулі прадаўжалі спяваць, разыходзячыся па сваіх пакоях.
