З нагоды Дня Перамогі некаторыя аб’екты гандлёвага, бытавога абслугоўвання і грамадскага харчавання запланавалі ў святочны і перадсвяточныя дні скідкі на свае тавары і паслугі. Скарыстацца імі могуць непасрэдна самі ветэраны Вялікай Айчыннай вайны або іх законныя прадстаўнікі (пры прад’яўленні дакумента). Так, 8 і 9 мая для іх ва ўсіх гандлёвых аб’ектах мясцовага райпо прадугледжана скідка 15 працэнтаў ад рознічнай цаны на асобныя (неакцыённыя) харчовыя тавары. Дзевяці-працэнтную скідку на харчовыя тавары ветэранам Айчыннай вайны або іх законным прадстаўнікам прапануе магазін “Еўра-опт”, карыстацца ёю можна з 1 па 15 мая. Два дні, 7 і 8 мая, даецца скідка 20 працэнтаў ветэранам вайны на стрыжкі ў цырульні ААТ “Глускія Бытпаслугі” (вул. Кірава, 15), а ў кафэ “Галиотис” для гэтай катэгорыі наведвальнікаў прадугледжана скідка 15 працэнтаў на комплексныя абеды ў перыяд з 8 па 10 мая. Асобная сістэма скідак распрацавана магазінам “Твой”: тут даецца скідка 10 працэнтаў на другі (дзешавейшы) тавар у чэку і 20 працэнтаў — на трэці (дзешавейшы) тавар у чэку. Скарыстацца імі могуць усе, хто будзе рабіць пакупкі ў гэтай гандлёвай кропцы з 1 па 10 мая.
