У мінулую пятніцу, 30 чэрвеня, сваё прафесійнае свята адзначалі эканамісты. Так атрымліваецца, што нейкай асобнай арганізацыі, дзе працуюць толькі эканамісты, няма, але ў кожнай буйной установе абавязкова павінен быць такі спецыяліст. Ад таго, як ён спрацуе і наколькі рэальныя планы ён прапіша на паперы, у многім залежыць, ці будуць яны выкананы на справе. Работа ў людзей гэтай прафесіі, на іх асабістую думку, цікавая, а на думку іх кіраўнікоў — вельмі важная, і калі яны робяць яе граматна і адказна, то заслугоўваюць падзякі і нават узнагарод.

З нагоды свята падзячнымі лістамі Глускага райвыканкама адзначаны Марыя Гапановіч, галоўны эканаміст раённага спажывецкага таварыства, Вера Лясун, галоўны эканаміст адкрытага акцыянернага таварыства “Глуская Зара”, і Галіна Мазалеўская, галоўны эканаміст раённага аддзела адукацыі, спорту і турызму. За шматгадовую добрасумленную працу вялікую падзяку ім выказала першы намеснік старшыні райвыканкама Алена Булатоўская, яна ж уручыла ўзнагароды і кветкі Марыі Гапановіч і Галіне Мазалеўскай, а Вера Лясун атрымае іх непасрэдна на рабочым месцы.

Аксана ВАСІЛЕЎСКАЯ

Фота аўтара