Больш як 350 рублёў склалі ахвяраванні, сабраныя падчас дабрачыннай акцыі “Дапаможам дзецям разам!”. Яна праводзілася па ініцыятыве Магілёўскага РУП “Фармацыя” і Камітэта па працы, занятасці і сацыяльнай абароне Магілёўскага аблвыканкама для дапамогі дзецям-інвалідам з Веснаўскага дома-інтэрната. Збор сродкаў быў арганізаваны ў глускай цэнтральнай аптэцы № 99. Па словах загадчыцы аптэкі Зінаіды Янкоўскай, за перыяд правядзення акцыі, з 15 па 30 жніўня, наведвальнікі аптэкі набылі і пакінулі ў спецыяльна ўстаноўленай капілцы лекавыя сродкі, шпрыцы, салфеткі, падгузнікі і іншыя вырабы медыцынскага прызначэння на 350 рублёў 50 капеек (на тыя грошы, што некаторыя людзі клалі ў капілку, таксама былі набыты лекавыя прэпараты). У апошні дзень жніўня ўсё сабранае было перададзена ў Веснаўскі дом-інтэрнат. Дзякуй усім, хто паўдзельнічаў у акцыі і дапамог дзецям.
