Калі ласка, на кірмаш!
Вы яшчэ не поўнасцю запасліся садавіной і агароднінай на зіму? Тады, калі ласка, на сельскагаспадарчы кірмаш! Ён адбудзецца заўтра, 14 кастрычніка, на бульвары Грахоўскага ў Глуску. Як паведамілі ў аддзеле эканомікі Глускага райвыканкама, акрамя прадукцыі сельгасвытворцаў, на гэтым кірмашы можна будзе купіць кандытарскія і кулінарныя вырабы мясцовага спажывецкага таварыства, тавары іншых вытворцаў. Гандаль пачнецца з 9 гадзін.