Темы

Змяніўся партыйны лідар

Змяніўся партыйны лідар

Раённую арганізацыю камуністаў узначаліў Генадзь Ліпскі. Яго кандыдатуру на справаздачна-выбарным сходзе прапанаваў цяпер ужо былы сакратар партарганізацыі Павел Еўпак. Сход прайшоў 12 студзеня.

Першым пытаннем парадку дня значылася работа бюро за мінулы год. 2017-ы быў няпростым і ў нечым знакавым як для краіны, усяго грамадства, так і для Камуністычнай партыі, падкрэсліў Павел Еўпак. Шмат увагі ўдзялялася ўдасканаленню працоўных адносін, разняволенню прадпры-мальніцкай ініцыятывы, не прайшло і не магло прайсці незаўважаным 100-годдзе Кастрычніцкай рэвалюцыі — падзеі, якая перавярнула ход усёй сусветнай гісторыі. Гэты юбілей — свята не мінулага, а будучага, падкрэсліў дакладчык. Але каб у будучым ідэі камунізму жылі і знаходзілі падтрымку ў людзей, камуністам сённяшнім, у тым ліку членам мясцовай партарганізацыі, патрэбна больш цесна і больш актыўна выступаць у сродках масавай інфармацыі, працаваць з моладдзю, у прыватнасці з членамі Беларускага рэспубліканскага саюза моладзі, добра было б, каб у раёне з’явілася маладзёжная камуністычная арганізацыя, зазначыў Павел Еўпак.

Сёння ў мясцовую партарганізацыю ўваходзіць 22 чалавекі, 15 з іх — людзі пенсійнага ўзросту, таму відавочна, што курс на папаўненне і амаладжэнне радоў — жыццёвая неабходнасць. Зрэшты, камуністы Глушчыны праяўляюць сваю актыўнасць у грамадскім жыцці, Павел Еўпак сказаў пра ўдзел у выбарчай кампаніі: у нашым раёне два прэтэндэнты на дэпутацкія месцы вылучаны раённай арганізацыяй Камуністычнай партыі, будуць прымаць удзел камуністы і ў назіранні за ходам выбараў. Дарэчы, цікавую і карысную практыку па распаўсюджванні ідэй Кампартыі, знаёмстве з унутрыпартыйным жыццём прымяняюць члены мясцовай партарганізацыі: нумары газеты “Камуніст Беларусі”, якую выпісваюць, пасля таго, як прачытаюць самі, яны перадаюць у бібліятэкі — раённую, школьныя, а таксама ў розныя арганізацыі для падшыўкі.

Актыўнасць праявілі камуністы і падчас абмеркавання даклада. Слова бралі Аляксандр Лабейка, Уладзімір Шчука, Галіна Былінская, Уладзімір Чабан, Пётр Карповіч, Анатоль Марціновіч. Прапановы гучалі розныя: ад скарачэння колькасці міліцыі, каб сэканоміць грошай на рамонт дарог, да павелічэння колькасці міліцыянераў і прыцягнення іх да працэсаў вытворчасці прадукцыі (такі вопыт выкарыстоўвае Паўночная Карэя). Яшчэ прапаноўвалася ўвесці льготы на лекі тым, каму болей за 75 год, а для тых, у каго пенсія меншая за 400 рублёў, платныя медпаслугі зрабіць бясплатнымі. Наконт ільгот было б нядрэнна, пагаджаліся з прамоўцамі іх таварышы, але гэта пытанне вырашаецца на зусім іншым узроўні, наш узровень, мясцовы, — гэта вырашэнне мясцовых жа праблем. Адна з іх — частка дарогі да Цэнтральнага рынка, на падыходзе да яго з вуліцы Луначарскага такія ямы, што старому чалавеку, ды яшчэ з сумкамі, можна зачапіцца і ўпасці. А летняя касьба травы да самага кораня, што аж пыл стаіць у парку? Вось пра што трэба гаварыць, вось якія пытанні трэба ўзнімаць перад мясцовай уладай. У іх ліку і пытанне пра помнік Леніну: дзе ён, чаму не адноўлены за столькі гадоў? Зрэшты, члены Кампартыі на справаздачным сходзе былі крытычныя не толькі да іншых, але і да саміх сябе, і пагадзіліся з тым, што патрэбна быць не проста назіральнікамі, а больш актыўнымі ўдзельнікамі жыцця, агітатарамі і прапагандыстамі ідэй камунізму. Работу бюро раённай партарганізацыі ўсе выступаючыя прапанавалі прызнаць здавальняючай. Упэўненасць у тым, што ў новым справаздачным перыядзе ўся гэта работа пойдзе больш актыўна, выказаў  Генадзь Ліпскі. Ён падзякаваў за давер, які яму аказалі таварышы па партыі, аднагалосна прагаласаваўшы і выбраўшы яго сакратаром раённай арганізацыі Кампартыі Беларусі, і паабяцаў прыкласці ўсе намаганні, каб работа пайшла больш актыўна і давала большы плён.

Думаецца, выбар гэты сапраўды правільны і своечасовы. Але правільным было б падзякаваць і былому партыйнаму лідару — Паўлу Віктаравічу Еўпаку — за яго сапраўды шматгадовую і старанную работу на пасадзе сакратара, бо  менавіта яго аўтарытэт, яго слова былі тым прыкладам, які і прывёў многіх у рады Камуністычнай партыі. Такое маё асабістае меркаванне.

Заслухаўшы справаздачу рэвізійнай камісіі і вырашыўшы іншыя арганізацыйныя пытанні, справаздачна-выбарны сход раённай партыйнай арганізацыі КПБ завяршыў сваю работу.

Т. ЛУКАШЭВІЧ

Фота С. РУДЗІНСКАГА

Последние новости

Актуально

День правового просвещения и личный прием граждан прошел в Глусском УКП «Жилкомхоз»

28 марта 2024
Власть

Лукашенко: всякая финансовая деятельность должна быть подчинена интересам экономики

28 марта 2024
Год качества

В честь 100-летия Глусского района на территории детского сада № 4 Глуска заложили сосновую аллею

28 марта 2024
АПК

Галоўнае — захаваць маладняк. На семінары-нарадзе, які прайшоў у Глусскім раёне, разглядалі тэхналагічныя аспекты захаванасці і вырошчвання маладняку буйной рагатай жывёлы

28 марта 2024
Общество

Реконструкция линейно-кабельных сооружений проводится в Глуске

28 марта 2024
Общество

Районные соревнования по настольному теннису прошли в Глуске

28 марта 2024
Актуально

Надо брать! Новый кредит на потребительские нужды «На родныя тавары» запустил Беларусбанк

27 марта 2024
Актуально

В Могилёвской области дорожные предприятия приступили к озеленению транспортных развязок и придорожных полос

27 марта 2024
Общество

Право знать! В Глуске прошел правовой брейн-ринг

27 марта 2024
Власть

Лукашенко о полете белорусского космонавта: это не только имидж страны, мы — космическая держава

27 марта 2024

Рекомендуем

Актуально

К 100-летию Глусского района объявлен конкурс на лучший логотип. Положение о проведении районного конкурса

20 марта 2024
Культура

Семья Дербеевых представит Глусский район в конкурсе “Семья года”

20 марта 2024
Общество

Торжественное мероприятие ко Дню работников бытового обслуживания населения и жилищно-коммунального хозяйства состоялось в Глуске

22 марта 2024
Общество

Планы у дорожников большие. Интервью с начальником Глусского ДРСУ-213 Иваном Радько

21 марта 2024
Общество

Так в РОВД заведено. На заслуженный отдых проводили первого заместителя начальника Глусского райотдела

26 марта 2024
Общество

В Глуске в День Конституции провели интеллектуальную игру «Жизнь по закону» для старшеклассников школ района. Фоторепортаж

15 марта 2024
Культура

Пойдемте зиму провожать! Народное гулянье «Масленица» пройдет в Глуске 16 марта

15 марта 2024
Общество

Александр Багель выдвинут кандидатом в члены Совета Республики от Глусского района

22 марта 2024