• Главная
  • О газете
  • Объявления
  • Контакты
  • Реклама
  • Фотогалерея
    • 2016 год
    • 2015 год
    • 2014 год
    • 2017 год
    • 2018 год
    • 2019 год
    • 2020 год
Глуск | Глусский район | Погода в Глуске | Новости Глуска | Новости Глусского района | Родина | Радзiма | Газета Глуска

Першамайскі настрой

Пятница, 4.05.2018 15:00. Category: Общество    

А дванаццатай гадзіне 1 мая каля раённага Дома культуры было вельмі мнагалюдна. Так глушчане адгукнуліся на ініцыятыву раённага аб’яднання прафсаюзаў правесці ў Глуску на  Свята працы велапрабег. Прыемна ўразіла тое, што да месца збору прыехалі не толькі людзі працуючыя, але і вольныя пенсіянеры і нават былыя глушчане з мінскай, гомельскай, бабруйскай прапіскай. (Паштурхаўшыся паміж людзьмі, пачула назвы гэтых гарадоў і тое, што даведаліся прыезджыя пра гэты велапрабег ад сяброў і сваякоў і вырашылі далучыцца: гараджане больш лёгкія на пад’ём і больш ахвочыя да такіх ініцыятыў, чым нашы местачкоўцы.) Яшчэ прыемна было бачыць, што з бацькамі, бабулямі і дзядулямі былі іх дзеці і ўнукі, а некаторыя выбраліся цэлымі сем’ямі.

Мяркуючы па ўсмешках, па масавым і персанальным фатагра-фаванні і сэлфі, настрой ва ўсіх быў добры. У падмогу гэтаму была і атрыбутыка свята: флажкі Федэрацыі прафсаюзаў Беларусі, грамадскіх аб’яднанняў БРСМ і “Белая Русь”. Пасля інструктажу па тэхніцы бяспекі, які правёў старшыня райаб’яднання прафсаюзаў Аляксандр Леўчанка, уся гэта вялікая, стракатая, вясёлая і рознаўзроставая калона дружна рушыла згодна з вызначаным маршрутам…

Скажу як чалавек, які сам пракруціў педалі ўсе гэтыя пяць кіламетраў: гэта было цудоўна, здорава, весела і зусім няцяжка. А яшчэ бяспечна, што немалаважна: спераду машына Дзяр-жаўтаінспекцыі, ззаду “хуткая”, на ўсіх перакрыжаваннях — міліцыя… А на фінішы, у цені цэнтральнага парку, якраз насупраць фантана, веласіпедыстаў чакалі абяцаныя пачастункі — мінеральная і пітная вада, сокі, яблыкі.

Ніхто не ставіў мэту падлічыць дакладную колькасць удзельнікаў першамайскага велапрабегу, але дакладна вядома, што было раздадзена 100 флажкоў, і іх атрымаў далёка не кожны веласіпедыст. Зрэшты, колькасць тут не галоўнае, галоўнае — арганізацыя і настрой, а яны былі добрымі. Думаю, ніхто не пашкадаваў, што праехаў 1 мая ў веласіпеднай калоне.

 Тым больш што ў гэты дзень цікавага адбывалася яшчэ шмат чаго ў парку і вакол яго: разнастайныя атракцыёны для дзяцей, чытальня пад адкрытым небам, куды з цікавасцю заходзілі малыя і дарослыя, і прыгожы канцэрт ад раённага Дома культуры і школы мастацтваў, і гандлёвы кірмаш з рознымі таварамі і бяспройгрышнымі латарэямі, і футбол. Словам, у каго да чаго душа цягнулася, той туды і трапіў, тое і пабачыў. А мы зазірнулі ўсюды і вам пра тое напісалі.

Таццяна ЛУКАШЭВІЧ

Фота Ганны АЎТУХОВАЙ

Больш фота тут

« Тема недели: Лукашенко провел совещание по актуальным вопросам социально-экономического развития
Надо верить в свою мечту »
  • Усебеларускі народны сход
  • Навстречу Всебелорусскому народному собранию
  • Падпіска 2021
  • Оплата услуг редакции через ЕРИП
  • Реклама

  • Версия для слабовидящих
  • Мы в соцсетях



  • Рубрики
    • Актуально (1 105)
    • АПК (299)
    • Беларусь помнит (58)
    • Власть (283)
    • Гісторыя Глушчыны (58)
    • Год малой радзімы (80)
    • Год народного единства (0)
    • Духовность (195)
    • Есть вопрос? Есть ответ! (131)
    • Как выписать газету (2)
    • Культура (200)
    • Общество (4 301)
    • Происшествия (344)
    • Реклама (0)
    • РОЧС информирует (22)
    • Спорт (290)
    • Творческие проекты (142)
    • Тема недели "БелТА" (113)
    • Усебеларускі народны сход (17)
    • Экономика (285)
  • Баннеры
  • Архив газеты
  • Погода в Глуске
    Глуск
  • Яндекс.Метрика
Тема предоставлена Web 2.0 News.
Хостинг: HOSTER.BY
© 2021 Глуск | Глусский район | Погода в Глуске | Новости Глуска | Новости Глусского района | Родина | Радзiма | Газета Глуска  Все права защищены.
Сайт Президента Республики Беларусь Глусский районный исполнительный комитет
Top