Темы

Усё могуць нашы педагогі

Усё могуць нашы педагогі

Што ўмеюць настаўнікі? Вучыць дзяцей, правяраць сшыткі, без памылак запаўняць класны журнал, хоць звычайны папяровы, хоць электронны, як ніхто, умеюць пісаць шматлікія справаздачы, а яшчэ фарбаваць падлогу, клеіць шпалеры, разбіраюцца ў пажарных апавяшчальніках і ведаюць, якога памеру павінны быць прытопачныя лісты… Пра тое, як дзякуючы ўсім гэтым уменням і навыкам педагогі спрацавалі ў мінулым годзе, гаварылі на ўрачыстым сходзе па падвядзенні вынікаў у сферы адукацыі. Ён адбыўся ўжо традыцыйна напярэдадні галоўнага жаночага свята 8 Сакавіка, бо што ні кажы, а педагагічнае асяроддзе ў нас мае жаночы воблік. Падчас сходу высветлілася, што педагогі яшчэ і цудоўныя артысты, яны ўмеюць выдатна пець, чытаць вершы і прамовы. На сцэне не было ніводнай запрошанай зоркі — усе выключна свае людзі, якія працуюць у школах, садках, установах дадатковай адукацыі, і іх выхаванцы. Для калег спявалі Валянціна Хлань і Валянціна Сініцына, Фёдар Хлань, Наталля Аншыц, Дзмітрый Сокал, Ганна Сосікава, з некалькімі нумарамі выступілі вакалісты мясцовага Цэнтра творчасці. Прыязныя ўсмешкі выклікала ў гледачоў дэфіле ў нацыянальных строях выха-ванцаў дзетсада № 3, шчыра смяяліся і такімі ж шчырымі апладысментамі праводзілі педагогі вучняў Заеліцкай школы, якія падрыхтавалі цудоўную пастаноўку “Калядныя вячоркі”.

Увогуле, настаўнікі вельмі арганізаваныя і адказныя людзі, яны падводзяць вынікі аж тры разы на год. На педагагічнай канферэнцыі ў жніўні і напярэдадні Дня настаўніка ў кастрычніку сумуюцца вынікі за вучэбны год, а ўжо ў сакавіку — за каляндарны. Канешне, трэба напісаць утрая больш дакладаў і справаздач (але ж мы памятаем, педагогі — чэмпіёны ў гэтай справе), затое і ўзнагароды можна раздаваць тройчы. Тым болей заўсёды ёсць за што. “Наша педагагічная суполка складае больш за 600 чалавек, — адзначыла ў сваім выступленні начальнік аддзела па адукацыі, спорце і турызме райвыканкама Святлана Лісіца. — Я веру ў кожнага з вас, у вашы здольнасці і ваша ўменне рабіць сваю справу найлепшым чынам, бо ведаю, што педагогі — людзі правафланговыя, згуртаваныя, поўныя энтузіязму…” Глускі раён па сукупнасці вынікаў у сферы адукацыі за мінулы год заняў восьмую пазіцыю сярод раёнаў з такой жа колькасцю насельніцтва (іх 13). “Гэта не наша месца, — зазначыла Святлана Лісіца, — яшчэ колькі год назад Глуск быў на першым месцы або ўваходзіў у тройку лідараў. Значыць, у нас ёсць патэнцыял і мы можам, проста абавязаны вярнуць страчаную пазіцыю. Пры гэтым неабавязкова раўняцца на буйныя гарадскія ўстановы адукацыі, бо ў нашым раёне ёсць школа, якая стабільна паказвае добрыя вынікі, а ў гэтым годзе заняла другое месца ў вобласці сярод сельскіх школ і школ, якія знаходзяцца ў пасёлках гарадскога тыпу. За амаль дваццаць год маёй працы я не прыпомню такога выпадку”, — паведаміла Святлана Мікалаеўна і запрасіла на сцэну калектыў Заеліцкага НПК. Сваіх калег педагогі сустрэлі авацыямі, а начальнік аддзела па адукацыі ўрачыста перадала дырэктару Святлане Лабадаевай дыплом за 2-е месца.

Новыя імёны па выніках працы ў мінулым годзе з’явіліся на Дошцы гонару аддзела па адукацыі, спорце і турызме. Падзякамі аддзела з занясеннем на Дошку гонару ўзнагароджаны метадыст навучальна-метадычнага кабінета Наталля Някрасава, выхавацель ясляў-сада № 4 Таццяна Іотка, намеснік дырэктара ясляў-сада № 1 Алена Макарава, намеснік дырэктара Заеліцкага НПК Алена Мукасей і дырэктар Заеліцкага НПК Святлана Лабадаева, настаўніца гісторыі Заеліцкага НПК Алена Філіпенка, настаўнікі пачатковых класаў СШ № 1 Алена Жалудковіч і СШ № 2 Галіна Усік, настаўнік-дэфектолаг СШ № 2 Людміла Калацкая і трэнер-выкладчык фізкультурна-спартыўнага клуба Валянцін Сокал.

Падзячнае пісьмо аддзела па адукацыі, спорце і турызме заслужылі настаўніца Заеліцкага НПК Ірына Пукач, настаўніцы гімназіі Таццяна Сачэнка і Аксана Грыгор’ева, выхавацель ясляў-сада № 3 Іна Савіцкая, настаўнік-дэфектолаг ясляў-сада № 1 Ірына Галамака, педагогі-арганізатары СШ № 2 Аксана Сокал і Завалочыцкага НПК Таццяна Герман, метадыст Цэнтра творчасці Святлана Каржнёва, кладаўшчыца Каткаўскага НПК Алена Зянькоўская і вадзіцель Уладзімір Маханька.

Напярэдадні сходу падвялі і са сцэны перад усімі агучылі таксама вынікі работы ўстаноў адукацыі раёна па розных напрамках (асобна дзетсады і школы). Сярод садкоў у намінацыях “якасць адукацыйнага працэсу” і “работа з кадрамі” Падзякі атрымаў калектыў ясляў-сада № 4, “сацыяльна-эканамічнае развіццё” і “лепшая арганізацыя харчавання” — яслі-сад № 3. Гімназія Глуска адзначана ў намінацыях “якасць адукацыйнага працэсу”, “сацыяльна-эканамічнае развіццё”, “арганізацыя работы з адоранымі дзецьмі” і “спорт”. За лепшую арганізацыю выхаваўчай работы ўзнагароджаны калектыў Заеліцкага НПК, там жа працуе і лепшая дашкольная група. Лепшая арганізацыя харчавання сярод сельскіх школ — ва Усцярхах, сярод гарадскіх— у СШ № 2, у гэтай жа школе лепш за ўсіх наладжана работа з кадрамі.

Але і на гэтым узнагароды не закончыліся. Свае граматы і дыпломы школам раёна ўручылі кіраўнікі ўстаноў дадатковай адукацыі. Дырэктар Цэнтра творчасці Ніна Чачуха адзначыла, што найбольшую колькасць дыпломаў творчага кірунку ў мінулым годзе атрымалі выхаванцы і вучні Завалочыцкага НПК і сярэдняй школы № 2 і ўручыла Падзячныя пісьмы ад Цэнтра дырэктарам Наталлі Шылавай і Алене Слічонак. Высока ацаніў рэзультаты вучняў Заеліцкай школы ў абласной спартакіядзе сярод дзяцей і падлеткаў старшыня Глускага фізкультурна-спартыўнага клуба Віктар Вежнавец і ўручыў Падзячнае пісьмо дырэктару Святлане Лабадаевай. А вось сярэдняя школа № 1 адзначана за якасную работу гандбольнага спарткласа. Узнагароду дырэктар Валянціна Сыцька атрымала з рук  Аляксандра Маюрнікава, дырэктара Глускай дзіцяча-юнацкай спартыўнай школы. А яшчэ вялікі дзякуй першай школе за ўтульную залу, у якой прайшоў святочны сход. 

А. ВАСІЛЕЎСКАЯ

Фота Г. АЎТУХОВАЙ

Больш здымкаў глядзіце тут

Последние новости

Актуально

В Глусском районе 29 марта проходит единый день безопасности дорожного движения

29 марта 2024
Общество

30 марта глусчан приглашают принять участие в акции «Час Земли»

29 марта 2024
Власть

Услышьте это все. Александр Лукашенко ознакомился с мероприятиями проверки боеготовности соединений и воинских частей в Ошмянском районе

29 марта 2024
Власть

Сергеенко и ряд других руководителей освобождены от прежних должностей в связи с переходом на выборные должности

29 марта 2024
Культура

АФИША ВЫХОДНОГО ДНЯ. Куда сходить и что посмотреть в Глуске в ближайшие выходные

29 марта 2024
80 лет освобождения Беларуси от немецко-фашистских захватчиков

Дважды герой Советского Союза Степан Шутов

29 марта 2024
Общество

ЦИК Беларуси зарегистрировал 56 кандидатов в члены Совета Республики

29 марта 2024
Актуально

Министерство спорта и туризма проводит правовой мониторинг

29 марта 2024
Актуально

День правового просвещения и личный прием граждан прошел в Глусском УКП «Жилкомхоз»

28 марта 2024
Власть

Лукашенко: всякая финансовая деятельность должна быть подчинена интересам экономики

28 марта 2024

Рекомендуем

Актуально

К 100-летию Глусского района объявлен конкурс на лучший логотип. Положение о проведении районного конкурса

20 марта 2024
Культура

Семья Дербеевых представит Глусский район в конкурсе “Семья года”

20 марта 2024
Общество

Торжественное мероприятие ко Дню работников бытового обслуживания населения и жилищно-коммунального хозяйства состоялось в Глуске

22 марта 2024
Общество

Планы у дорожников большие. Интервью с начальником Глусского ДРСУ-213 Иваном Радько

21 марта 2024
Общество

Так в РОВД заведено. На заслуженный отдых проводили первого заместителя начальника Глусского райотдела

26 марта 2024
Общество

Александр Багель выдвинут кандидатом в члены Совета Республики от Глусского района

22 марта 2024
Год качества

Республиканская добровольная акция «Адновім лясы разам!» проходит в Глусском районе

25 марта 2024
Культура

Масленицу ярко и познавательно отметили глусские гимназисты

18 марта 2024