Велікодныя віншаванні глушчанам-каталікам
Дарагія Браты і Сёстры і ўсе людзі добрай волі!
Велікодным світанкам да магілы Хрыста ішлі жанчыны, каб намасціць Яго духмя-насцямі. Там яны сустрэлі анёла, які абвясціў ім небывалую радасць: «Не бойцеся! Шукаеце Езуса Назараніна, укрыжаванага. Ён уваскрос!» (пар. Мк 16, 6).
Сёння і я жадаю дзяліцца з Вамі гэтай радаснай навіной: Хрыстус Уваскрос!
Жадаю, каб вера ва Уваскрослага жыла ў сэрцах і розумах кожнага з нас. Няхай жа кожны ў гэтыя святы адчуе асаблівае шчасце, адчуе любоў Бога і апеку анёлаў, зразумее сэнс жыцця і моц еднасці, адкрые сэрца і ўпусціць вясну надзеі.
Няхай гэтыя святы напоўняць Вас радасцю і супакоем. Няхай вера ва Уваскрослага дадае сілы перамагаць усялякія цяжкасці.
Аляксандр Яшэўскі, S.D.B.
Дапомажны Біскуп Мінска-Магілёўскай Архідыяцэзіі
Біскупскі Вікарый для г. Магілёва і Магілёўскай вобласці
