Абласны фестываль-кірмаш працаўнікоў вёскі “Дажынкі” пройдзе 15 лістапада ў Магілёве, паведамляе сайт Магілёўскага аблвыканкама. Заслужаныя ўзнагароды ў Палацы культуры вобласці атрымаюць каля 140 работнікаў сельскай гаспадаркі рэгіёна, пераможцаў уборачнай кампаніі 2019 года. Падарункам для прысутных стануць выступленні творчых калектываў. Таксама будуць арганізаваны канцэртныя пляцоўкі, выстава сельскагаспадарчай тэхнікі, выязны гандаль.
Урачыстае мерапрыемства прымеркавана да Дня работнікаў сельскай гаспадаркі і перапрацоўчай прамысловасці, які ў гэтым годзе адзначаецца ў Беларусі 17 лістапада.
