Прэзідэнт Аляксандр Лукашэнка 16 студзеня падпісаў Указ аб узнагароджанні ордэнам Маці 29 беларускіх жанчын. У ліку адзначаных дзяржаўнай узнагародай за нараджэнне і выхаванне пяці і больш дзяцей — глушчанка Алеся Мікалаеўна Баскаулава.

У сям’і Яўгена і Алесі Баскаулавых шасцёра дзяцей, адна дачка, яна самая старэйшая, ёй 16 год, і пяцёра сыноў, самаму малодшаму — шэсць месяцаў. Алеся Мікалаеўна працуе прадаўцом у Глускім райспажыўтаварыстве, але зараз яна знаходзіцца ў водпуску па доглядзе за дзіцём.

Мінулай вясной наша газета пісала пра Баскаулавых, іх дружную сям’ю, дзе бацькі, акрамя таго, што працуюць на глускіх прадпрыемствах, яшчэ займаюцца вырошчваннем на продаж гародніны, сваім прыкладам выхоўваюць дзяцей працалюбівымі і клапатлівымі людзьмі.