• Главная
  • О газете
  • Объявления
  • Контакты
  • Реклама
  • Фотогалерея
    • 2016 год
    • 2015 год
    • 2014 год
    • 2017 год
    • 2018 год
    • 2019 год
    • 2020 год
    • 2021 год
Глуск | Глусский район | Погода в Глуске | Новости Глуска | Новости Глусского района | Родина | Радзiма | Газета Глуска

На мінулым тыдні ў аграгарадку Калацічы работнікі культуры наладзілі свята для мясцовых жыхароў

Вторник, 21.07.2020 15:00. Category: Культура    

На мінулым тыдні ў аграгарадку Калацічы работнікі культуры наладзілі свята для мясцовых жыхароў. У праграме былі канцэрт, гульні і забаўкі для дзяцей, святочная дыскатэка, а ўвогуле мерапрыемства стала добрай нагодай сустрэцца аднавяскоўцам, родзічам, знаёмым, пабачыць тых, хто жыве на далёкіх вуліцах, пагутарыць. Бо летам у сяле, няхай яно і завецца аграрным гарадком, звычайна не да доўгіх размоў і прагулак: градкі, ягады, грыбы, у каго кароўка з куркамі ды свінкамі — усё гэта трэба дагледзець, паліць-прапалоць-выбраць, пасля яшчэ на зіму ў банкі пакласці…

Пятнічным вечарам людзей сабралася шмат, сядзелі ў імправізаванай глядзельнай зале, стаялі купкамі ў цянёчку, а колькі малых было на дзіцячай пляцоўцы! Пакуль мамы, таты, бабулі з дзядулямі глядзелі канцэрт, яны скакалі на скакалцы, бегалі, хто хутчэй, круцілі хулахуп, гулялі ў розныя гульні. Толькі пазайздросціць па-добраму можна было, колькі энергіі, бадзёрасці і добрага настрою малыя з сабой неслі — гэты пазітыў адчуваўся амаль фізічна. Дзяўчаты, што праводзілі на пляцоўцы гульні, ужо крыху і стаміліся, а дзецям хоць бы што, здаецца, так бы да раніцы і скакалі.

Дарослыя, як водзіцца, былі больш стрыманымі, але для артыстаў апладысментаў не шкадавалі. Канцэрт “За Беларусь” падрыхтавалі работнікі раённага Цэнтра культуры і мясцовыя самадзейныя артысты. Гучалі песні на ўсе густы, і сучасныя, і колішнія, прычым зараз жа модна перапяваць старыя мелодыі, такія “наватворы” карыстаюцца папулярнасцю ў моладзі. Так што гледачы падпявалі, пляскалі ў далоні, некаторыя і на падтанцоўку выйшлі. А чаму і не? Чаму маладым хлопцам годна не патанчыць ці мужу не запрасіць жонку на танец?

Адным словам, свята ў Калацічах прайшло ўдала. І пайшло далей: ужо ў суботу артысты радавалі жыхароў Каткі, а ўвогуле такія мерапрыемствы запланаваны да канца лета і ў іншых вёсках раёна.

А. ВАСІЛЕЎСКАЯ

Фота аўтара  

« Слово — не воробей. Об ответственности за противоправные действия по отношению к сотрудникам милиции, находящимся при исполнении, рассказывает замначальника РОВД Борис Наливайко
Сто сорок пять тонн черники уже заготовило в этом году Глусское райпо »
  • Год народного единства
  • Падпіска 2021
  • Оплата услуг редакции через ЕРИП
  • Реклама

  • Версия для слабовидящих
  • Мы в соцсетях




  • Рубрики
    • Актуально (1 042)
    • АПК (304)
    • Беларусь помнит (69)
    • Власть (174)
    • Гісторыя Глушчыны (73)
    • Год малой радзімы (80)
    • Год народного единства (3)
    • Духовность (130)
    • Есть вопрос? Есть ответ! (81)
    • Как выписать газету (2)
    • Культура (203)
    • Общество (4 332)
    • Происшествия (347)
    • Реклама (0)
    • РОЧС информирует (14)
    • Спорт (280)
    • Творческие проекты (149)
    • Тема недели "БелТА" (46)
    • Усебеларускі народны сход (46)
    • Экономика (278)
  • Баннеры
  • Архив газеты
  • Погода в Глуске
    Глуск
  • Яндекс.Метрика
Тема предоставлена Web 2.0 News.
Хостинг: HOSTER.BY
© 2021 Глуск | Глусский район | Погода в Глуске | Новости Глуска | Новости Глусского района | Родина | Радзiма | Газета Глуска  Все права защищены.
Сайт Президента Республики Беларусь Глусский районный исполнительный комитет
Top