Павіншавалі ветэранаў
У майскі перадсвяточны дзень з Днём Перамогі тых, хто змагаўся за наша мірнае жыццё і незалежнасць, віншавалі старшыня раённага Савета дэпутатаў Вячаслаў Асташэвіч, намеснік старшыні Глускага райвыканкама Анатоль Ласоцкі, начальнік упраўлення па працы, занятасці і сацыяльнай абароне Алена Кірэй, старшыня раённага савета ветэранаў Тамара Толсцік, ваенкам Сяргей Корбут, ён жа член ваенна-гістарычнага клуба “Салдаты Перамогі” і яго калега па клубе Раман Тычына.
У Глускім раёне засталіся чатыры ветэраны Вялікай Айчыннай вайны: Ніна Уладзіміраўна Кульба, Яўген Цімафеевіч Шылаў, Уладзімір Сцяпанавіч Званковіч і Васіль Уладзіміравіч Курс (зараз ён пражывае ў сваякоў у Слоніме). Хоць і здароўе далёка не тое, як раней, усё ж ветэраны трымаюцца, цёпла і гасцінна сустракаюць гасцей, з добрым, прыўзнятым настроем, кожны са сваімі ўспамінамі, сваім болем, радасцю, што выжылі, перамаглі, што пашчасціла сустрэць пераможны май 45-га. Напярэдадні свята Перамогі ў іх адрас гучалі словы шчырай удзячнасці за магчымасць мірна і спакойна жыць, любіць, радавацца і працаваць, пажаданні моцнага здароўя, дабрабыту і аптымізму. Ім уручылі віншавальныя лісты ад губернатара Магілёўшчыны Леаніда Зайца, падарункі ад райвыканкама і “Еўраопта”, кветкі. Такі клопат і ўвага — самае малое, чым мы можам аддзячыць, што можам зрабіць для нашых ветэранаў. А яшчэ — захоўваць памяць і праўду пра Вялікую Айчынную вайну, шанаваць кожны подзвіг і, галоўнае, берагчы мір.
Больш фота глядзіце тут