Плануецца, што ў суботніку  прымуць удзел больш за чатыры з паловай тысячы чалавек. Асаблівая ўвага будзе ўдзелена навя-дзенню парадку ў Заеліцы, дзе ў гэтым годзе пройдзе раённы фестываль працаўнікоў вёскі “Дажынкі”. Самім жыхарам аграгарадка патрэбна абнавіць і пафарбаваць агароджы вакол сваіх дамоў. Значныя аб’ёмы работ запланаваны таксама і ў вёсцы Малінава. Асобныя заданні, згодна з пратаколам даручэнняў, атрымалі меліяратары і дарожнікі: ім патрэбна паабкошваць каналы і павысякаць кусты паўз дарогу Глуск — Заеліца. Як паведамілі рэдакцыі ў аддзеле эканомікі райвыканкама, большасць працоўных будуць заставацца на сваіх рабочых месцах, а заробленыя сродкі пералічаць у фонд раённага суботніка. Мяркуецца, што агульнымі намаганнямі будзе зароблена каля 90 мільёнаў рублёў. 

Т. ЛУКАШЭВІЧ