У чатырох установах адукацыі Глускага раёна працуюць музеі. У Заеліцкай школе гэта «Беларуская хата», у Каткаўскай дзейнічае музей народнай славы, “Усцярхоўскі засценак” сустракае жадаючых дакрануцца да гісторыі ва Усцярхах, і работа адразу двух музеяў наладжана ў гімназіі — народнай творчасці і хлеба. Усе экспазіцыі носяць у першую чаргу краязнаўчы характар, на іх базе праводзяцца не толькі экскурсіі, але і ўрокі.

Работа па вывучэнні роднага краю наладжана і ў глускім Цэнтры творчасці. Тут у пяці аб’яднаннях — гэта два краязнаўчыя, два турысцкія і яшчэ адно — па спартыўным арыентаванні — займаюцца 75 вучняў. Заняткі праходзяць не толькі ў гімназіі, у будынку якой размяшчаецца Цэнтр творчасці, але і ў іншых школах раёна.

А. Пятрова