Святочныя мерапрыемствы, прысвечаныя Дню Незалежнасці Рэспублікі Беларусь, пачнуцца ў 10:00 на Алеі Славы з урачыстага мітынгу і ўскладання вянкоў і кветак ад працоўных калектываў і грамадскіх аб’яднанняў раёна.

Таксама ў 10:00 на гарадскім стадыёне пачнуць працаваць кірмашы Глускага райпо і падвор’яў сельскіх гаспадарак раёна, абяцаюць і салдацкую паляну, і салдацкую кашу. У 11:00 на стадыёне адбудуцца паказальныя выступленні выхаванцаў секцыі таэквандо. У 12 гадзін усіх жадаючых запрашаюць на святочны канцэрт “Мы за цябе сэрцам, Беларусь!”, ён пройдзе таксама на стадыёне, а вось забаўляльная праграма для самых малых “Чарадзейная карусель” будзе арганізавана ў 12:00 на летняй танцпляцоўцы. Ваенную драму “72 гадзіны” можна будзе паглядзець у кінатэатры “Арыён”, пачатак сеанса — у 14:00. Аматараў футбола ў 17:00 на стадыёне чакае турнір паміж зборнымі школьні-каў і студэнтаў. І ў 22:30 на летняй танцпляцоўцы святочную праграму працягне тэматычны вечар адпачынку “Мы беларусы”, а ў 22:50 жыхары і госці гарпасёлка далучацца да рэспубліканскай акцыі “Праспяваем гімн разам!”, пройдзе яна каля раённага Дома культуры.