сэлфі па-беларуску
Напярэдадні Дня Незалежнасці ў Мінску прайшло свята «Дзень вышыванкі». У Беларусі яно праводзілася першы раз. Такое свята шматвяковага сімвала не абышоў увагай Беларускі рэспубліканскі саюз моладзі, які арганізаваў фотаконкурс «Сэлфі&фота з вышыванкай». Фотаздымкі размяшчаліся ўдзельнікамі на старонках і ў групах сацыяльных сетак «ВКонтакте», Facebook, Twitter, Instagram.
Удзел у гэтым конкурсе прыняў і Глускі раённы камітэт грамадскага аб’яднання «Беларускі рэспубліканскі саюз моладзі». Сэлфі Ганны Царык і Мацвея Рагалевіча ўдзельнічала ў намінацыі «Арыгінальнае сэлфі&фота ў вышыванцы», паведаміла спецыяліст райкама БРСМ Ганна Мартынава.
Будзем спадзявацца, што правядзенне напярэдадні Дня Незалежнасці маладзёжнага свята «Дзень вышыванкі» сапраўды стане новай добрай традыцыяй. Магчыма, фотаконкурс «Сэлфі&фота з вышыванкай» таксама набудзе папулярнасць.
Кацярына НОВІКАВА
Фота Ганны ЦАРЫК