“Святы вакол нас — гімн беларускай мове” — мерапрыемства з такой назвай прайшло днямі ў дзіцячым садку № 3 Глуска. Як паведаміла рэдакцыі намеснік загадчыка ясляў-сада Юлія Чубан, дзеткі з захапленнем спявалі беларускія песні і прыпеўкі, танцавалі народныя танцы, вельмі добра адказвалі на пытанні віктарыны “Ці ведаеце вы казкі?”, адгадвалі загадкі. А яшчэ малым даспадобы прыйшліся гульні “Ручаёк” і “Лапці”.

Свята прайшло не толькі весела, але і з пэўнай карысцю для дзяцей, бо дзякуючы сваім выхавацелям яны далучыліся да традыцыйнай беларускай культуры, даведаліся пра народныя святы і абрады, размаўлялі на роднай мове, якую, на жаль, зараз не часта чуюць ад сваіх родных.