Трыццаць адзінак сельскагаспадарчай тэхнікі беларускай вытворчасці на ўмовах лізінгу праз “Аграмашсервіс” набылі гаспадаркі Глускага раёна. Гэта сем касілак-плюшчылак ротарных КПР-9, столькі ж касілак КДН-210 і грабляў-валкаўтваральнікаў розных марак. Чатыры мясцовыя гаспадаркі, калгасы “Дружба”, “Зара камуны”, “Зара” і “Слаўгарадскі”, папоўнілі свой машынна-трактарны парк рулоннымі прэспадборшчыкамі, новыя кормаўборачныя камбайны КГ-6 набылі для сваіх патрэб зноў жа “Дружба”, “Зара камуны”, “Зара”, а таксама саўгас “Завалочыцы” і РАПТЗ. Частова тэхніка ўжо атрымана, зараз ідзе аплата першапачатковага ўзносу і транспартных выдаткаў, у бліжэйшы час уся тэхніка паступіць у гаспадаркі.