Зімовыя забавы
Сяголетняя зіма сваім надвор’ем не надта спрыяе традыцыйным зімовым забавам і відам спорту — канькам, лыжам, катанню на санках. Вось і зараз, калі пішуцца гэтыя радкі, зноў адліга. Аднак жа той, хто хоча, — заўсёды сабе знойдзе і снегу, і лёду. Так, большасць аматараў пакатацца на каньках у непрацяглы марозны перыяд перад новым годам дружна асвойвала натуральныя вадаёмы. Стацыянарны каток заліты зараз на хакейнай каробцы ў другой глускай школе. Каток у цэнтры Глуска, як паведамілі нам у фізкультурна-спартыўным клубе, будуць заліваць (пры спрыяльных умовах) пасля таго, як на бульвары Грахоўскага дэманціруюць ёлку — гэта пасля 14 студзеня. Акрамя таго, у ФСК набылі станок для наточвання канькоў, і да 20 студзеня яго павінны даставіць на месца, так што ў спартыўным клубе фізкультурнікам-аматарам хутка будзе аказвацца яшчэ адна платная паслуга — толькі хадзі туды, сябруй са спортам.
Т. ЛУГАВАЯ
Фота В. ЧУЧВАЛ