Напярэдадні 8 Сакавіка ў Глускім раёне прайшла акцыя “Мы віншуем вас, баявыя сяброўкі!”, арганізаваная раённым выканаўчым камітэтам, раённым саветам ветэранаў і раённай арганізацыяй Беларускага фонду міру. Зараз у раёне пражываюць 24 ветэраны Вялікай Айчыннай вайны, чатыры з іх — жанчыны, гэта Раіса Фёдараўна Гаўрыліна, Валянціна Васільеўна Зайцава, Ніна Уладзіміраўна Кульба і Соф’я Антонаўна Пятрова. Незадоўга да Міжнароднага жаночага дня з віншаваннямі, кветкамі і падарункамі іх наведалі намеснік старшыні райвыканкама Людміла Клыга, старшыня раённага савета ветэранаў Валерый Сураўнёў, начальнік упраўлення па працы, занятасці і сацыяльнай абароне Алена Кірэй. Зразумела, жанчыны-ветэраны былі вельмі расчулены і ўзрадаваны, увагу да сябе прыемна адчуваць заўсёды, а перад святам — прыемна ўдвая.

Т. ЛУГАВАЯ

Фота С. РУДЗІНСКАГА

 На здымку: ветэрана Ніну Уладзіміраўну Кульбу віншуе намеснік старшыні райвыканкама Людміла Клыга