У гонар свята Першамая ў Глуску запланаваны культурна-забаўляльныя і спартыўныя мерапрыемствы. Ужо напярэдадні ў раённай бібліятэцы будзе арганізавана кніжная выстава з падборкай літаратуры і публікацый аб гісторыі свята. Выстава работ гуртка дэкаратыўна-прыкладнога мастацтва будзе наладжана і ў раённым Доме культуры, а ў сам дзень 1 Мая ў РДК адбудзецца канцэрт мастацкай самадзейнасці Заеліцкага СЦКД, пачатак у 12 гадзін (уваход 5 тысяч).
Знойдуць чым сябе заняць у гэты дзень і спартсмены-аматары, у прыватнасці, футбалісты, і іх балельшчыкі: 1 мая на гарадскім стадыёне адбудзецца таварыская сустрэча па футболе паміж камандамі “Будаўнік” (Старыя Дарогі) і “Пціч” (Глуск). Пачатак гульні ў 13 гадзін. Прыходзьце, пабалеем за нашых, будзе цікава!